2025eko urriaren 2tik 4ra bitartean, RedMemoriaren I. Hezkuntza-Topaketa egin zen Nafarroan, Nafarroako Memoriaren Institutuak, España en Libertad-50 años duen ordezkariak eta RedMemoria antolatuta. Andaluziako 4 ikastetxetako ikasleek eta irakasleek parte hartu zuten, Madrilgo 3koek, Asturiasko 2koek eta erkidego hauetako bakoitzeko batek: Gaztela-Mantxa, Gaztela Leon, Euskadi, Errioxa, Aragoi, Valentzia, Extremadura eta Kanariak. Gainera, ostiralean, hilak 3, Iruñeko Mendillorri BHIk eta Sagrado Corazón ikastetxeak , Burlatako Askatasuna BHIk, Eguesibarreko IES Sarriguren BHIk eta Tuterako IES Benjamín de Tudela BHIk bat egin zuten, osoan, 150 parte-hartzaile baino gehiago izan ziren.
Programa ostegun arratsaldean hasi zen, botilen hilerria eta San Kristobal gotorlekuaren kanpoaldea bisitatuz. Bertan, Txinparta- Fuerte de San Cristobalgo elkarteko Koldo Plak penalaren eta hilerriaren historia azaldu zien. Ondoren, Lekarozko aterpetxera joan ziren, bertan hartu baitzuten ostatu Nafarroan egon ziren bitartean.
Ostiraleko jardunaldia, hilak 3, Nafarroako ikasleekin, gotorlekuaren atarian hasi zen. Bertan, Ana Ollo Nafarroako Gobernuko lehendakariordeak eta Carmen Gustrán “España en Libertad-50 años” duen mandatariak harrera egin zieten. Ongietorri hitzen ondoren, Enrique Villarreal ‘El Drogas’ musikariaren parte hartzeaz gozatu ahal izan zuten. Emanaldia amaitu eta Fermin Ezkietak gidatuta, GR-225, 1938ko maiatzaren 22an ihesaldia gogorazten duen ibililbidearen lehen etapari ekin zioten, Olabeko hobiraino. Bertan, ihes egindako eta hildako 16 presoren gorpuak berreskuratu ziren. Arratsaldean, NUPen bildu ziren tailerrak egiteko eta ikastetxeetan egiten dituzten memoria-proiektuak erakusteko, eta “Manifiesto de Iruña. Jóvenes por la Memoria/Iruñeko Manifestua. Memoriaren aldeko Gazteak“, deskarga dezakezue.
Larunbat goizean, hilak 4, Nicolas Zuazua eta Carlos Zuza arkeologoekin Otsondo gainera joan ziren, eta zenbait bunker eta babesleku bisitatu zituzten. Eraikin horiek Pirinioetako Gotorlekua osatzen dute, ia 500 kilometrotan zehar, Kantauritik Mediterraneoraino, eta gehienak frankismoko presoek eraiki zituzten. Bisitaren ondoren, taldearen zati bat bere jatorrizko lekuetara joan zen, eta gainerakoek arratsaldeaz gozatzeko aukera izan zuten Baztanen.
Últimos comentarios