Erakusketa
Nafarroako Memoriaren Institutoak eta Nafarroako Museoak Gerardo Lizarraga margolari iruindarraren bizitzan eta obran oinarritutako atzera begirako erakusketa aurkezten dute. Frantziako kontzentrazio-esparruetan egindako marrazkietan oinarrituta batez ere, Mexikon erbestetik hauen inguruan egindako hausnarketekin batera.
 |  |
XX. mendearen lehen herenean, Gerardo Lizarraga gure lurraldeko pintura modernizatzen gehien lagundu zuten Nafarroako artistetako bat izan zen. Hala ere, bere ibilbide artistikoa oharkabean igaro da. Gerardo Lizarraga. Artista erbestean erakusketak, batez ere, justizia egin nahi dio, baina aldi berean lortu nahi du Nafarroako herritarrek erbesteratzeen ondorio dramatikoei buruz hausnartzea, aintzat hartuta bai iraganeko erbesteratzeak, bai oraingoak. Erbestealdia, gure artistarentzat, ehunka mila lagunentzat bezala, 1939ko otsailean hasi zen, muga igarotzean. Orduan hasi zen hondartzetako esparruen esperientzia izugarria, Marseillako geroko egonaldia eta Mexikorako behin betiko bidaia.
Behatutako behatzailea, Gerardo Lizarragak, bere obraren bidez, bizitzarekin eta askatasunarekin konprometitutako pertsona baten etengabeko borroka ezagutzeko aukera eman digu; Xabier Lizarragak dioen bezala, gerraren indarkeriak harrapatu zuen eta erbestealdiak pixkanaka ito zuen pertsona bat izan zen.
 |  |
Gerardo Lizarraga diktadura luze eta basati batek kondenatu zuen ostrazismotik behin betiko ateratzeko unea da. Bere maleta bere lurraldera iritsi da, Argelès-sur-Merko 8. esparrutik eta Mexikotik etorrita, eta bertan geratuko da, Nafarroako kultura- eta arte ondarearen parte izateko: kolpe militar batek (modernitate, berdintasun eta askatasunaren zantzu guztiak galarazi nahirik) indarrez ezabatu nahi izan zuen ondare horren parte izateko.
Erakusketa Nafarroako Museoan dago ikusgai 2021eko urtarrilaren 26tik maiatzaren 23ra bitartean.
Erakusketaren web orrialdean sartzeko esteka.
Jardunaldiak
Aldi berean, urtarrilaren 28, 29 eta 30ean Nafarroako erbesteari buruzko on line jardunaldiak egingo dira. Gerardo Lizarragaren bizitzak eta lanak bide ematen dute itxuraz urrun dauden errealitateei buruzko hausnarketarako, hala nola artearen munduari eta gerra zibilaren osteko kontzentrazio-esparruetako eta erbesteko esperientziei buruzko hausnarketarako, oroimenaren eta ahanzturaren arteko mosaiko konplexu bat ehuntzea ahalbidetuz.
Hemen, jardunaldien egitaraua kontsultatu eta izena eman dezakezu.
Utzi erantzuna